[銀行馬二號]四季勁

在過去的星期日,香港馬壇失去了一匹忠心戰駒-大運財,在法國的紀爾斯大賽中不幸陣亡,成為第二匹在外賽事中陣亡的香港賽駒。不但對香港短途生態帶來打擊。對高伯新而言,更會隨時影響他在香港的練馬生涯。由於去年Gibson只係勉強取得16W僅僅上岸,在今季練馬條例收緊的情況下,發牌準則增加至16場勝仗,同時他失去一匹能帶來豐厚獎金的頂級良駒,可能會動搖旗下馬匹的軍心,期望他在今季能克服難關。

14.jpg

而在幾季前同樣有短途戰駒-騏綵陣亡的賀賢,近幾年成績平穩。上季更炮製一系列的代表作,好似由1200贏到1800的太陽喜喜,亦有五班殺到三班的團圓飛舞,取得如此優異的成績,當然不愁馬主支持。該馬房仍有不少潛質未露的份子,其中一匹就是今日的主角-四季勁。

T032_l

有留意開本人博客的朋友,或者都會依稀記得,小弟曾經係一次五班1000米賽事品評過呢匹馬,當時指出馬匹曾經係四班1000跑近,理應會於該場賽事出冷,但鞍上人似乎表現得留有以待,故此只衝入第6名。其後一仗轉戰田草1400米,閘前票數偏冷18倍,當日屬難追的B+2欄賽事,外檔起步焗住留後跑,加埋遇上偏慢步速,最後200米狂追幾個馬位,力迫駕迅僅負第二,足見表現開始回穩。

當時在四季勁附近過終點的飛擒、領先直前,甚至勁駿皇駒都能順利贏馬,而頭馬駕迅亦在往後四班同程上名,賽績水準實屬不差。

20160206R1_L

 

此馬同母兄弟Fort Chauvel曾於澳洲勝出1600米賽事,證明適應距離不一定只限1000米-1400米,有機會板上1600米,以此馬前段落腳偏慢的情況,跑1600米未必比1400米差。不過此馬彊口較急,遇到慢步速時容易搶口,容易導致早段用力多而力弱,當成為公眾熱門時跑1600米需加倍留意此點。

該仗跑入第二後,賀賢繼續安排此馬專攻1400米,更換上好手蘇兆輝操刀,由於排位轉好,跟前些走亦是無可厚非,但早段步速太慢,而且馬匹彊口未馴,結果在中段不斷消耗體力,末段的凌厲衝刺並不復見,令人相當失望。需留意的是當日屬大利後上的A欄跑道,沒有一匹望空擺前走的馬能勝出賽事,在這種恐劣的形勢下落敗,亦屬情有可原。

不過這場敗績可以印證此馬必須採取文靜的後追跑法,之後此馬健康情況不穩,斷斷續續跑過兩仗短途賽事,分別後上得第三及第四,賽後便抖暑。

踏入今季後,賀賢在晨操復課第一日後便安排此馬重新操練,相信馬房亦心急為此馬交代。雖然四季勁的質素能力未必太突出,但相信可以坐穩四班,甚至成為四班班頂份子。

現時評分:36分

目標評分:50分

預計頭馬數目:2W

 

[銀行馬一號]事勝意

隨著孫達志、胡森正式被除牌後,15/16來馬季可謂算正式完結,練馬師數目遞減至剩下22個。而續牌準則卻只增加多1場勝仗至16場,的確是甚為寬鬆,希望馬房會繼續審視此問題。

除此而外,散倉後馬匹動向亦值得各位留意,大部份馬匹均轉投中型班的練馬師為主,只有一匹齊齊健康轉投方嘉柏,但這不代表此等馬匹不能發揮所長。例如轉投苗禮德馬房的事勝意,新季可望連添勝仗,為新老闆省靚招牌。

T391_l

此匹紐西蘭自購馬來港前表現突出,曾於當地一級賽懷卡托堅尼跑入第二,故此插二班評82分,亦係南半球種王沙彪的後代。此馬卻意外地加盟擅長慢火煎魚的吳定強馬房,而參與試閘的表現亦算唔錯,甚至也曾被網友認定為吳廐的打吡希望,但理想始終與現實會有落差。在經歷兩次大敗後,轉投孫達志馬房,由於當時練者急需爭取成績,在操練方法上難以作出轉變,所以表現繼續插水。

直至5月18日谷草四班1650米賽事,終於開始有起色。

20160518R7_L.jpg

該場賽事步速正常,只有依靠慢放食糊的四季帶頭,事勝意沿途望空走三疊。依照之前十仗的表現,馬匹理應入直路後會潰不成軍,但在韋達催策下反應仍然良佳,甚至曾經一度出頭,只在最後一百米被捷捷勝及搖錢樹趕過,錄得在港上陣以來的首次上名。

從紙上賽績睇,該仗贏四季而輸給捷捷勝、搖錢樹,表現亦不算特別突出。往後的表現也似乎反映此場賽績沒太大參考價值,之後三仗亦只有一場跑入第四名,能力暫看不算突出,但需留意兩點。

一、出自弱勢的孫達志馬房

為了續牌,他不能不盡快催谷馬匹表現,於是安排旗下賽駒頻密出戰,以事勝意為例,在5月18日-6月22日期間的一個月,足足出戰3次,在未有作充份準備下出戰,表現未能提升也屬正常。

二、長途血統跑一哩

前文亦有說明此馬來港前於2000米一級賽上名,出自長途種氏沙彪,賽駒普遍跑一哩更長的路程會更為適合,但在事勝意開始適應水土後,孫達志只有安排此駒一次出爭1800米賽事,足以證明其能力並未顯露。

在經歷兩次轉手後,評分已落至48分,足足比來港前的82分減了34分,行運醫生醫病尾,相信苗禮德不會袖手旁觀,會盡快為這位老牌馬主交代(P.S.小飛象馬主)

期望成為翻版「正是你」,能夠在季初連番數糊回升三班

現時評分:48分

目標評分:70分

預計頭馬數目:2-3w

[賽後檢討]7月10日賽後分析

今季多謝各位支持小弟賽後分析~~ 未來將會追求更佳質素繼續改進  暑後仍然會有銀行馬分析  希望大家繼續支持小弟文章:)

Kurofune跟進馬:第四場嬴風雲 第六場包裝巨星、信心出擊

 

v321b.jpg
嬴風雲: ISG水準高  初出近可留意  
v230b.jpg
包裝巨星 敗績留有以待  下季大放異彩
N226_l
信心出擊: 轉倉準備未足  下季可現真身 

 

第一場五班1200米: (1ST)金磚五國:三隻前領馬鬥放,結果再一次益左佢,跑五班短途當然係超級,但下季上番四班應該要減分先。(2ND)永常喜:輸在前段太多馬搶,否則冠軍應屬於佢,下季應起碼有1W在手。(3RD)齊齊健康:憑級數跑番一席第三,下季有幾多W在手,就要睇下胡森仲有沒牌la。(4TH)正藍旗:終於似番d樣,下季第一場五班1400要睇實佢。(8TH)知道勝:運氣認真不濟,馬主應考慮求變。

第二場五班1800米: (1ST)鼓浪飛星:寶遜攞位機警,一早轉定出去衝,似乎已開始適應本地策騎模式,專注發展長途賽事有望回升四班都夠跑。(2ND)真慷慨:郭能掌握發力點已算不俗,只略嫌早一點開始推進,五班根本唔會難到佢。(3RD)帝國之星:最佳路程在2000米或以上。(5TH)萬醒仔:經常近而沒威脅,不宜追W。(6TH)友歡笑:泥地把握明顯比草地大。(12TH)東韻威威:傷患底嚴重馬根本唔適合Gibson練。

T060_l.jpg
東韻威威:傷患底嚴重馬 變熱不宜追捧

第三場四班1800米: (1ST)津津樂道:始終評分減到過晒龍,取勝姿態輕鬆,下季踏入七歲無理由再保留掛… 季初可以跟實。(2ND)富貴榮華:此馬跑田草1800能力亦不差,而且與小妹合拍,倍率偏冷及排好檔時需加倍提防。(3RD)白玉凱旋:第三屬人棄我取,都係返谷草先會搏殺。(4TH)新疆紡:加程表現算不過不失,現階段1600似乎較合適。(5TH)捷捷勝:明顯係輸際遇,內欄塞車塞到最後200米才望空,但能力只屬四班中級份子。(6TH)駟寶:達少發揮普通,始終覺得韋達未必可以盡情發揮到後上馬。

第四場四班1200米: (1ST)萬事欣:明顯係贏1200米經驗,小妹不只一次騎此系馬Fight Back對手,睇黎真係好夾萬事系。(2ND)翩翩:未來前景肯定在頭馬之上,只係暫時輸在氣量及作戰經驗,至少係三班馬。(3RD)御風雲:點解仲唔跑1400呢? (4TH)春盈:上仗第二不能完全作準,今仗表現亦只屬普通,前景暫時難以評估。(7TH)嬴風雲:反而呢隻沿欄衝得唔錯,質素可能在御風雲之上,而且達少第一仗已索騎,眼光有相當保證,值得長線跟進。

第五場四班1400米: (1ST)怪獸家長:質素上乘的新馬,回師1400一樣輕勝,但何良部署得如此急促,希望不會偃苗助長。(2ND)路路發:以弱勢馬房來講,仍能維持表現已算不俗,但五班始終把握較大。(3RD)甜統:論能力未必在頭馬之下,只係近幾個月被重磅拖累,期望下季能完全克服重磅問題。(4TH)超甜橙:又開始跑近,但霍利時戰馬表現太飄忽,都係等重新上名再算。(5TH)喜得福:大勝馬始終係有顧忌。(7TH)開心健康:騎者發揮明顯留有餘地,提防季中又再出招。(8TH)曾幾何時:Paul So返左老家,呢場當然唔會去馬。

V154_l.jpg
曾幾何時: 馬房已經收爐 表現不足為據

第六場四班1400米: (1ST)帝聖之寶:上次跟進馬已經有介紹,只係沒諗過馬房咁快季尾出招,肯定係有質素能力,應該可以回升上四班頂。(2ND)駿馬翹楚:對頭馬完全欠缺威脅,暫時四班能力唔突出,有點似同廐「有禮」,期望下季轉四歲有進步。(3RD)勝利公爵:明顯係靠內欄入圍,呢類季尾馬係季初不宜沾手。(4TH)好叻仔:換潘頓仍欠奉突破,睇黎要再轉程試試。(5TH)包裝巨星:跑落偏均速,可能暫時未養成1400的氣量,但肯定有質素需要睇實。(6TH)財寶家駒:純輸外檔,下季至少2W。(11TH)信心出擊:受阻後柏寶見大勢已去,沒再認真策騎,評分過低下季初要睇實。

第七場三班1600米: (1ST)駕喜:贏在三連捷的銳氣,而且季尾三班賽事水準偏低,四班頂馬亦有可能克服,故此下季未必能保持表現,不能過份高估能力。(2ND)勁嘉輝:兜兜轉轉都係要返田草出擊,尺寸馬真係難出頭,下季初如果都係搏輸,就只有去泥地試試。(3RD)好力煌:馬房有心比湯仔留下美好回憶,可惜被雷神封位難以望空,但跑P亦算有所交代,下季此程可望繼續交出表現。(5TH)將才:都係跑番1800/2000較為合適。(6TH)君臨大地:已經連仗追得唔錯,下季跑三班1800應該威力頗大,值得跟進。(10TH)君悅灣:唔放頭等於自殺。

V192_l.jpg
君臨大地: 季尾連仗跑近  新季有望回升

第八場一班1600米-沙田一哩錦標: (1ST)喜蓮獎星:塞車後一望空衝刺凌厲,拋離已經全面加速的壯思飛,相信能力已經接近G1邊緣,下季大摩一哩重要棋子。(2ND)壯思飛:能力似乎與頭馬有些少差別,當然如果唔係韋達騎可能仲近(笑),四歲法國馬應該仲會有進步,亦係大摩的希望之星。(3RD)火紅人:估唔到後追都交出唔錯效果,1600/1800的級際賽需時刻留意。(4TH)縱橫大地:1600始終稍為嫌長,但就算遠征都欠缺泥地1400賽事,可能要返回短途發展。(8TH)包裝鬥士:時辰未到,而且上手孫達志的功力未至於差,好難期望轉手後可以交出好優異的成績。

第九場三班1200米: (1ST)嫡愛寶:贏來不費吹灰之力,如果上次咁跑根本可以一樣咁贏,下季可以繼續大放光芒。(2ND)快無極:最大差別就在埋欄與否,如果帝豪寶貝埋到欄就會係佢第二,此馬需要跑偏快場地,在季初難以憧憬。(3RD)好愉快:此馬純跑心情,一搭岩條線就可以跑回水準。(4TH)綠勇士:除左個面箍表現有進,同樣係三歲馬有待進步,未來應有力上二班跑。(5TH)永勝神駒:沿內欄亦衝得唔錯,希望神駒系真係可以養返匹良駒。(7TH)鴻圖飛星:對於縮程原因完全令人不明,根本係中距離馬。

v199b.jpg
永勝神駒: 初出追勢可人  來季值得留意

第十場三班1400米: (1ST)美麗皇者:除左服莫雷拉之外,諗唔到有其他原因令呢匹馬贏到,或者衝一段較適合此馬,但最多只屬三班中級份子。(2ND)瀟灑王子:自身所造時間亦不弱,放頭始終係季尾好著數,轉四歲睇下能否持續進步。(3RD)旌暉:用梁家俊負死磅頗多,此馬忠心準繩,下季應有望上二班跑。(4TH)幸運興隆:上次跟前上名,今仗後追一段效果亦幾好,睇黎評分有唔少水位,需要睇實進度。(6TH)友瑩勢:與曾幾何時情況差唔多,未必係想去馬。(9TH)快樂生活:轉彎大蝕位,睇黎係想試下田草性能。

第十一場二班1400米-香港馬主協會錦標: (1ST)隨心隨意:神經刀配上冷門炒飯哥可謂天作之合,跑二班此程始終較為上風,係唔知馬房想幾時出手,所以下季應該要等返一排。(2ND)辣得很:留後亦同樣岩此馬發揮,主要係負磅輕同埋對手唔強。(3RD)無敵飛龍:末段走勢稍為疲弱,1400氣量似乎尚未養成,法國馬有待繼續進步。(4TH)比卡超:擺明係輸際遇,係衝得最勁之際被阻,下季在三班起步應該會交到1W。(5TH)馬跑得:暫時未有板釜出頭。(10TH)豈等閒:封左王嘅雷神尾場通常都係冇多過有。

 

 

 

 

 

[賽後檢討]7月6日賽後分析

Kurofune谷賽煞科跟進馬:第一場永恆光輝  第三場聖驛善

V141_l
永恆光輝:四歲馬未用過  下季可望多捷
N409_l.jpg
聖驛善:今季減分頗多  季初先頭部隊

第一場五班1200米: (1ST)盈喜悅:步速偏快下沿途三疊望空都贏,表現超乎預期,睇黎馬房真係有心想續牌,近期偶有佳作,煞科日可以留意下孫達志d冷門馬。(2ND)智能:蔣小妹舞得掂呢匹後上馬,末段與雷神鬥撞不落下風,騎後上馬開始漸有功架,但論馬唔易出頭。(3RD)永恆光輝:有得似幾年前的「手機皇」,四班完全冇野睇,一落五班換大師傅即刻有料到,下季起碼2W。(4TH)祥勝駿駒:應有四班能力,但現階段跑短途會較合適。(5TH)鴻圖戰士:跟好位都冇,馬匹明顯退步。(6TH)飛霞:等杜利萊。

第二場五班1650米: (1ST)原始寶石:上季已展示過肯定係有能力馬,冒險加程搏殺,不得不服吳大夫先見之明,下季起碼仲有1W。(2ND)甜哥兒:五班此程表現準繩,但總係好難出頭,季初可能會call雷神上馬搏Win。(3RD)萬能之功:其實係追得唔錯,可惜加唔夠分護級,希望有得做儀仗馬。(4TH)神光輝耀:快步速下表現唔失禮,下季此程拉龜慢放有望頂到尾。(7TH)四平八穩:表現好失望,都係要返田草/泥地。(8TH)自成一格:目標在下季五班1800米。(岩岩退左役…….)

第三場四班1200米: (1ST)綫路神駒:面對如此弱的對手都差d輸,此程能力普通,期望下季續進。此馬最大問題係馬房部署,灌木叢仔仔跑1200肯定唔夠喉。(2ND)紅褲精神:胡森存心搏殺,騎者卻在關鍵時候跌鞭,雷景勳狼勁十足但基本功薄弱,可能呢個係不獲牌照的其中因素。(3RD)百戰百勝:出擊意圖明顯,輸一步的確唔抵,為求交代季初可密切留意。(4TH)現代財星:草不及泥,最多跑得接近而欠缺威脅。(5TH)聖驛善:下季低分起步跑1000可隨時起筷。(7TH)好醒:質庸短期內可以不理。

T333_l
好醒:多次好位唔多 不宜憧憬

第四場三班1800米: (1ST)聰明才智:慳到盡賺到盡只係贏少少,充其量谷草二三班升降機,唔排除下季會繼續走下坡,前景難以看好。(2ND)可愛寶:明顯輸在三班經驗,能力應在頭馬之上,期望下季再有進步。(3RD)方程式:季內輸得最近的一次,問題係連季尾對手弱都贏唔到,下季初真係有辦法交代? 要睇方仔造化了。(4TH)凱明神駒:放得太慢否則有望一放而回,本地騎師跑長途就係會出現呢d情況。(6TH)奪目商人:下季落四班跑泥地又係一條好漢。(9TH)神州魅力:好表現只限快步速。

第五場四班1200米: (1ST)綠茵風采:練馬師有心益寶遜贏,跑回首本路程即贏,四班此程實力高,今季拼搏少下季初值得兼顧。(2ND)勁飛聖:用埋雷神拖慢黎放一樣輸,有d似「贏盡」,幸好馬匹只係三歲,希望佢可以持續進步。(3RD)執子之手:今季狀態長勇,屬今季馬房其中一匹招牌馬,唯今季用得太多,下季能否交出相當表現仍屬未知之數。(5TH)駿瑪:今仗又打回原形,三歲馬表現未算穩定。(10TH)好人好事:留到咁後擺明唔想去馬,不過下季都要等加程。

第六場三班1000米: (1ST)實力飛駒:輕磅明顯係幫到手,前速銳利跑谷草1000米當然有著數,期望此馬能養成韌力,否則出路狹窄影響成就。(2ND)炸魚薯條:湯仔亦已盡所能,始終馬匹實力不及頭馬。(3RD)美麗之友:無厘頭大冷腳邊有腳影捉,此席第三水準成疑。(5TH)天心星:表現又重新走樣,上次可能只係受惠臨場淋地。(7TH)極速銀桂:輕描淡寫下跑近,質素能力馬房心中有數,下季值得繼續跟進。(10TH)奔虹赤:提防下季四班增程即刻到位。

v216b
奔虹赤:跑短達少唔放手 必定有計

第七場四班1650米: (1ST)怡德:總算贏番一場交代,贏在雷神醒目,入彎時頂勝利仔出四疊,成為取勝關鍵。(2ND)勝利仔:反而柏寶有點托大,轉彎時過早發力,否則呢場食硬怡德,亦間接反映此馬仍有一定上升空間。(3RD)勁勇威龍:這席第三威脅欠奉,即管睇下胡森仲有冇機會繼續練威龍系。(5TH)公証揚聖:落番五班跑又係另一個世界。(6TH)主力艦:輸得唔似真,似係留有以待。

第八場二班1200米: (1ST)永旺年年:贏來完全不費吹灰之力,新一代谷草短途王,可惜出路唔多,希望田草亦可以交出接近水準。(2ND)亞馬寶寶:只要埋到欄放頭就會係第二回事,二班此程不落下風。(3RD)軍歌:連番塞車都有第三,此程實力亦高強,但後追馬匹跑谷草短途,就係容易遇到以上情況。(5TH)醒蹄飛:轉倉後能力並沒有提升,仍然係此程二三班升降機。(6TH)華美之友:龜速放頭形勢可一不可再,二班能力唔算高。

第九場三班1200米: (1ST)順勢寶:估唔到咁快到位,潛力不容小覤,觀乎此仗贏馬姿態,評分還有不少上升空間。(2ND)中華寶貝:輸俾深不見底的對手沒話可說,今季此馬連番搏失的確欠運。(3RD)超好玩:若不是幾日內連搏兩仗,有可能改寫戰果,期望下季仍能交出今季水準。(4TH)陀飛輪:臨場場地乾快,對爭勝構成不少影響,始終天雨對此馬有很大幫助。(11TH)香江穩勝:唔知幾時先贏得到…..

[賽後檢討]7月1日賽後分析

Kurofune跟進馬:第二場美麗寶寶  第三場喜之星

v316b.jpg
美麗寶寶:初出跑近  優質ISG可留意
S441_l
喜之星:班底高自購馬  下季實會交代
v325b.jpg
巴基之星: 質素毋需懷疑  但不值過份熱捧

 

第一場新馬1200米: (1ST)巴基之星:初出追勢天馬行空,克服初出跑A+3欄14檔極高難度,姿態當然驚人,但亦唔排除只係新鮮感特別勁,起碼值二班頂馬。(2ND)兄弟熊:順利埋到欄重現真身,但此系馬多數跑早熟,質素應該唔會特別高,大概三班左右。(3RD)可人兒:轉程抽外檔負133磅都上名,能力肯定比兄弟熊高,前景樂觀。(4TH)秘密武器:除非馬匹本身有進步,否則最多係三班中游份子。(8TH)至友運:上場表現暫屬曇花一現….

第二場四班1000米: (1ST)大收成:贏在最大勁敵漏閘,路程亦係證明最多,但此類形勢可一不可再,加分後唔易贏。(2ND)飛躍成功:乾快地始終不及濕地,上名亦係能力範圍之內。(3RD)常拼常勝:人棄我取而已,不能完全作為賽績根據。(4TH)得意繽紛:初出就要加眼罩,馬房信心遠不及其他PPG精英,有前冇後等待進步。(6TH)美麗寶寶:不利場地追得唔錯,近年ISG水準都較高。(13TH)野孩子:跑1000米大慢閘與判死刑分別不大。

第三場四班1200米: (1ST)舞林高手:馬房心中早有盤算,班底明顯係高,但你唔會估到佢想幾時去馬,專心跑泥地1200有望回升三班。(2ND)有禮:表現準繩確證能企穩四班,期望三歲馬下季有進步,可以持續成績。(3RD)喜菜:評分已減到可反彈水平,谷草泥地可望兩邊出擊。(4TH)勇勝王:欠缺泥地經驗下第四,表現尚算不過不失,稍留一段鬥衝似乎較好。(6TH)紅旗飛將:用蔣小妹唔代表一定發揮到。(7TH)喜之星:開始有走勢,下季吳大夫應該會子彈盡發。

T265_l.jpg
好友益: 質新續進 季初可先拔頭籌

第四場五班1400米: (1ST)名駒:形勢轉好回師首本路程即贏,五班此程上風,可望光榮退役。(2ND)喜盈豐:騎者亦跑得一絕,敗給班底高份子不足為辱,下季可以隨即補中。(3RD)好友益:細馬負重磅都影響唔大,能力明顯遠超五班,可隨時贏馬交代。(4TH)知道勝:一再塞車,用得減磅騎師就唔可以奢望一定交到貨。(5TH)帝飛星:唔知幾時先識贏,表現一再失望。(6TH)齊齊健康:下季轉馬房後可以執番2W。

第五班四班1600米: (1ST)搵銀天皇:爆冷得手,自購馬表現一直失望,似乎係馬房之前留有以待,配合同主出擊,冷馬不宜熱捧。(2ND)新疆紡:匠心獨運仔仔當然會係一哩最好,四班此程有上升空間。(3RD)華麗傳奇:前仗形勢可一不可再,足證能力不高,位置之材。(4TH)超自然:落腳太慢好難追得切,睇黎下季要繼續增程。(5TH)勝算高:季初要防。(10TH)喜悅繽紛:均速馬要放頭先最好。

第六場三班1000米: (1ST)皇龍大將:莫雷拉同呢匹馬好夾,就算排內檔都影響唔到發揮,上二班可能會坐馬監。(2ND)火麒麟:攝住外檔拎Q,要下季有進步先夠贏三班。(3RD)皇仁大師:增完程再縮程好澤使,都係跑番1200或者1400。(5TH)金筷子:今季狀態長勇,唔知下季仲維唔維持到。(8TH)善勝:之前馬主瘋狂轉倉,結果磋跎馬匹歲月。(13TH)按得贏:試閘之星,跑落一無是處。

S093_l
連利之星:忠心準繩  跑田草長途要防

第七場二班2000米-香港回歸杯: (1ST)文藝復興:睇黎真係成功扭轉頹勢,跑得番上年水準根本可以上試100分,希望下季繼續維持。(2ND)歡樂盈盈:馬匹純粹跑心情,表現失準不可靠,可能杜利萊呢種策騎方法幾夾隻馬。(3RD)勇駒:以態補質,今季賀賢其中一隻招牌馬。(4TH)連利之星:性能已變,下季跑二班長途唔好睇少佢。(5TH)期惑:失運馬又再一次比排檔累死。(6TH)精氣神:評分差唔多到頂。

第八場四班1400米: (1ST)時裝精英:行運醫生醫病尾,當然會係藥到病除,上番三班都夠跑。(2ND)真好漢:季尾擺前走馬始終有著數,步入大熟期下季應可繼續交出成績。(3RD)情趣:下季將步入大熟期,屬馬房重要爭分棋子。(4TH)八心之煌:點解唔試下谷草/泥地? 跑田草1400已經無利可圖。(5TH)越駿寶:田草亦交出好走勢,亦係馬房下季重要爭分棋子。(10TH)翔惑:今仗表現失望,質素並未有想像中般高。(12TH)確威龍:擺明等下季。

第九場三班泥地1200米: (1ST)機緣再現:李易達難得一見的三連捷馬,泥地性能突出,季初有力憑銳氣衝上二班。(2ND)福毅:減分已多,今季二班泥地此程曾經跑近,唔算沒路捉,下季初可以隨時開火。(3RD)老友記:韌力十足純輸重磅,可以試下進軍1650米。(4TH)左右逢源:評分實在已經減無可減,下手馬房可望憑此馬省招牌。(5TH)魅力知心:泥地性能似乎唔錯,但前提要搵番大師傅。(12TH)至叻熊:平常四班馬。

第十場三班泥地1650米: (1ST)競技英雄:贏在潘頓走位機警,沿途走三四疊倒不如發力放頭走甩,亦足見老馬三班實力卓越,下季還跑嗎? (2ND)歡樂小子:總是在臨終點前力弱,每次都敗得不值,今季用得頗盡下季唔知仲有冇得剩。(4TH)都靈明珠:搵位論盡,否則第三名肯定係佢。(6TH)福勵:有同感,沿欄追反而變在壞事,足見泥地性能在三班超級。(7TH)和諧氣氛:今季用得幾盡,而且三班未算充分證明。

T347_l.jpg
美好家園:又跑近 提防再成為投注陷阱

第十一場三班1400米: (1ST)慣勝聆聽:贏來十分篤定,緣於此組三班1400對手較弱,下季將會遇到考驗。(2ND)萬馬飛騰:三班係有一定能力,但好睇形勢造就,1400肯定好過1600。(3RD)勇霸神駒:終於上名,始終沒理由係咁差馬,馬房會留番下季用。(4TH)比卡超:用蔣小妹跑後上馬未免太過衝動,匆出跑二班1400睇下有沒好際遇交代。(6TH)美好家園:表現仍未穩定,尚需時間繼續觀察。(8TH)連利進寶:看似停止進步,要落番四班先贏得?

[賽後檢討]6月26日賽後分析

Kurofune跟進馬:第一場識飛  第二場帝聖之寶

T413_l.jpg
識飛:連仗跑近 下季止跌回升 
S342_l
帝聖之寶: 健康回穩  馬房先頭部隊

第一場五班泥地1800米: (1ST)彩利:老馬勝在路有專長,蔡明紹一直唔肯攝埋欄,這走位關鍵成為勝利之匙,下季減夠分再見。(2ND)合拍飛龍:已經跑到岩晒,三歲馬負重磅始終係重大阻力,下季負輕磅跑四班仲有威力。(3RD)皇龍寶駒:現階段泥地性能好過谷草,但好難出頭。(5TH)大寶庫:田泰安放得太慢,發揮唔到馬匹段段快開的特性。(8TH)識飛:下季中應該可以到位。(9TH)友歡笑:上場大勝今場大敗,馬房熱門倒灶作風你不能不服。

第二場四班1200米: (1ST)怪獸家長:勝在質新進步,馬房部署亦聰明,用較高1400的實力指標跑1200米,下季仍有2W。(2ND)勝在煌:馬匹乃此程好手,只要場地合追,隨時上名亦不難。(3RD)線路神駒:應該考慮下轉跑泥地1200,或是轉用減磅見習生,始終三歲馬負130磅阻力很大。(4TH)心思熟慮:跑A欄靠放頭好難捱到尾。(5TH)帝聖之寶:有質素新馬,只係健康問題拖累,下季初跑五班會相當著數。(7TH)劍凌雲:等冷門先睇。

第三場四班1200米: (1ST)肥仔:即使走勢仍然欠規矩仍能輕勝,明顯贏在級數,下季跑番三班仍然相當有競爭力。(2ND)辣辣椒:加眼罩幫到手,前速增快跑短途有著數,下季肯定有頭馬交出。(3RD)萬事欣:A欄難放頭捱到最後,都係跑番C欄或者B+2吧。(4TH)御風雲:加程搏沒馬放頭拉龜吧,現階段能力唔突出。(6TH)育成天下:初出走勢唔錯,馬房留有以待。

V231_l.jpg
御風雲: 能力不突出 熱捧宜提防

第四場四班泥地1650米: (1ST)威勢之寶:冷贏熱倒馬房特色,論馬匹能力擺明唔會淪落到四班尾先贏,睇下轉倉後可唔可以回復本色。(2ND)鑽之友:易位難贏,要贏好睇形勢。(3RD)你好馬:泥地性能雷聲大雨點小,即管睇下Gibson是否想收爐先唔搏。(4TH)博愛福星:要跑泥地1800再加上跑道利追先有機會。(5TH)喜利多:濕泥地跑高唔少,乾快場地位置較多。(7TH)皇者拍擋:似乎做唔到湯仔送行馬。

第五場四班2000米: (1ST)福爾摩斯:一搭岩條線即使走三疊都沒問題,馬匹表現漸趨浮動,如果倍率轉冷先跟進。(2ND)可愛寶:發揮上已經一絕,輸俾班底較高對手亦能理解,跑三班谷草未必下風。(3RD)步步德:明顯搵到最岩路程,大步馬跑長途用潘頓就到岩晒,下季可望在此程大放光芒。(4TH)捷捷勝:最佳路程肯定係2000米或以上,季內贏谷草1650米個次只係曇花一現,觀乎對手往後表現即可了解。(7TH)心有靈犀:馬房已收爐,下季初已可用得著。

第六場四班1400米: (1ST)快樂寶貝:兜兜轉轉終於交代,試前試後馬房試到準晒,上三班會開始減番分? (2ND)世界記錄:爆入無厘頭冷腳,真係除了跟莫雷拉之外,邊會計到數….. (3RD)踏雪無痕:如果跑非A欄已經贏了,下季初用減磅騎師出擊。(4TH)好叻仔:羅理雅完全唔放過呢隻棄騎,杜利萊都算黑仔,幕後明顯好想交代,但可能要下季初先得。(5TH)急急腳:馬房心中自有盤算,很有可能係留有以待下季。(8TH)超甜橙:不進反退,呢個馬房表現持續性真係……

V058_l
超甜橙: 馬房表現不穩 熱捧不智

 

第七場三班1200米: (1ST)鐵胆王:操練正常回復本色,足證季內517場次水準極高,95分前阻力應該不會太大。(2ND)滿堂紅:蔡約翰新一代短途硬肌王,無論田草谷草都上名交到貨,但上到二班會有考驗。(3RD)軍勇戰神:馬房戰意難測,呢隻演出飄忽馬都係睇倍率食飯。(4TH)瑩然英峻:馬房加眼罩縮程部署難理解,可能趁季尾試下馬匹實力,三班仲有1W。(6TH)越影:都係好地地返谷草跑吧。(12TH)摩高一丈:閹後復出表現一般可理解,下季理應會交到貨,照計無理由係咁差馬。

第八場三班1200米-會員杯:(1ST)有醒:明顯係步速受益人,但實力的確會比尋常三班馬為高,上二班都係位置居多。(2ND)靚猴王:班底始終較高,田草實力一直係三班中堅份子,入位亦是合理表現。(3RD)添好運:轉彎路程表現有起身,但看似未達到可以係三班贏馬實力,1400放頭效果可能更佳。(4TH)嫡愛寶:無謂再評價莫雷拉盲目搶放的表現,相信已經有目共睹,間接反映此馬還有大量上升空間,下季明星馬之一。(5TH)再創商機:徐雨石PP黎講算來得頗快,可以繼續關注演出,但不宣過份熱捧。

V287_l.jpg
嫡愛寶: 輸得不明不白 勿以作準

第九場三班1600米: (1ST)曦世之寶:贏在跑道形勢及步速偏快,最後50米衝刺力明顯減弱,相信係傷患影響,轉往谷草發展可能更高成就。(2ND)加州再豫:敗在步速太快,奇真無厘頭去放頭點估到,而個眼罩亦隨即變左負累,的確敗得相當不值,但亦已證明此馬至少有二班實力。(3RD)智者:同樣比奇真打亂部署,終於肯放番頭效果自然唔同。(4TH)領驫:今季用得太多,下季唔知仲交唔交得番水準。(7TH)凝聚力:沒有必要加程得太快,1400明明跑得幾好,可能馬房又想試馬。(8TH)金剛仔:今季趕唔切了。

第十場二班1600米: (1ST)壯思飛:質新進步,而且能力超班,會係至少達到110分水平馬,曾經有過嚴重傷患馬唔會保留。(2ND)東方快車:明顯輸在出閘,否則很有可能可以改變賽果,質素未必在頭馬之下。(3RD)嘉應之友:係咁上下料,要贏馬絕對唔易。(4TH)神威敖翔:無謂過份憧憬此馬,二班亦未必夠贏,要好睇對手能力。(5TH)宅大大:急急再跑果然有料到,二班弱組亦有望輪到。(9TH)代代為王:閹後復出第一場,邊會咁快就到位。

[賽後檢討]6月22日賽後分析

Kurofune跟進馬:第八場馬飛龍

S121_l.jpg
馬飛龍:煞科跑四班一哩可即食

 

第一場四班1200米: (1ST)星光大師:終於敲響勝鼓,不能不服雷神功架,早段大力推騎克服外檔,直路率先走甩就此開齋,第二個騎都可能未必贏到。(2ND)勁飛聖:相對地阿滇有點托大,當星光大師將近過頭時先開始催策,要係乾快場地追番走甩嘅馬實在唔容易,三歲馬彊口未馴要等進步,下季起碼有1W。(3RD)好醒:走位上發揮一絕,純粹能力問題。(4TH)威龍:明顯輸檔位,應該會搏多一場。(5TH)喜菜:下季先食得。

T333_l.jpg
好醒:能力唔高 勿再過份憧憬

第二場四班1000米: (1ST)歡喜:場地乾快跑最短途,根本放頭馬坐穩就贏,今季交代左可以留番下季用。(2ND)創意寶:亦已經跟岩晒位,呢個分唔易贏位望較濃。(3RD)旅英公爵:跑番1000米效果唔同,此階段無謂再次轉程。(4TH)大收成:下季可以即食,落五班十分著數。(6TH)聖驛善:追回失地唔少,但後上馬跑最短途始終蝕底。(7TH)育馬群星:亦追得唔錯,但留番下季用會比較適合。(10TH)氣勢如虹:一漏閘可以唔使睇。

第三場三班1000米: (1ST)旅遊多寶:前速快場地利放奠定勝局,幕後應該會安排抖暑。(2ND)提款機:留得比較想像中更後,暫時1000似比1200為好,但跑法肯定不局限後追,前景相信樂觀。(3RD)魔連奴:想用級數搏殺都唔成功,馬實力係咁上下,即管睇下仲有冇進步。(4TH)飛星凱旋:谷草1000米太短,好難追得切。(7TH)海之濤:放唔到頭就唔使預佢。

第四場五班1200米: (1ST)金磚五國:班底始終較高,今場步速較慢有利後上馬pack埋一舊追上,下季初可以交多1W。(2ND)樂趣:係莫雷拉挎下表現有進步,能連仗上名以馬房來講唔容易,下季表現有望能持續下去。(3RD)全勝姿態:只跑質新係五班都夠跑,下季初可望連珠砲發。(4TH)飛霞:沿途三疊都輸唔遠,足證人馬合拍,抽番個好檔要提防。(11TH)欖球鑽石:大勝馬今仗大敗,上仗谷得盡,能力都只限於四五班升降機。

第五場四班1650米: (1ST)珍珠旺:明顯贏在級數,而且際遇已算唔錯,上番三班又要等減分。(2ND)盈豐駿駒:能力上與頭馬有差距,但此程表現的確準繩,今季未交代有可能跑多一場。(3RD)但求上舖:沒板斧開齋。(4TH)事勝意:唔需要再憧憬前仗沿途三疊第三,今次慳晒位都上唔到名,能力在四班唔突出。(6TH)皇者拍擋:沿途三疊遊馬河,星期日匆出但又排外檔好惡跑。(7TH)太皇鷹:表現仍唔穩定,都係落五班吧。

第六場三班2200米: (1ST)文藝復興:如果跑得番上季水準,大勝亦合理,只係大勝馬再出通常都會走樣,呢隻為交代谷盡晒都唔奇,匆高估此場賽績。(2ND)凱明神駒:神駒系黑過墨斗,或者都係call番雷神上馬搏開齋。(3RD)康樂神駒:始終泥地1800米把握會大d,跑乾快地唔算突出。(4TH)將才:初上2200米排12檔好難跑都追近,不過都係返田草長直路易d追吧。(5TH)蓮花巨星:1檔反而害左佢。(7TH)精算博奕:今次難度太高。

T197_l.jpg
文藝復興:大勝而回  小心下場走樣

第七場三班1200米: (1ST)罕曾見:縮程跑1200表現明顯好轉,方仔部署值得一讚,憑銳氣之盛可能會搏多一場。(2ND)中華寶貝:起步打晒鞭,柏寶呢場認真去馬卻比頭馬殺低,敗得的確不值,呢隻就肯定會跑多場想交代。(3RD)花紅:今季用得好多都仲上到名,馬性忠心但評分已到頂。(5TH)威威寶貝:太乾快場地好惡追。(9TH)老友威威:憑什麼會有7.4倍?

第八場三班1650米: (1ST)索咖啡:今場補中表現合理,轉番谷草跑之後重入正軌,又要問下上手馬房到底練緊咩?  (2ND)僥倖:臨時轉放頭跑法,d放頭馬又唔迫佢先神奇,但邊有咁多翻版「感恩」,論馬就總算試出彩虹,但三班未必咁易贏。(3RD)小島怡情:繼續近而沒威脅,評分需下調。(4TH)開心駿馬:點解放頭二疊拉龜,都唔試下搶過僥倖放頭呢?  均速馬同後勁馬點鬥衝?  (9TH)馬飛龍:目標明顯係想落四班,睇下會唔會兩個禮拜後即刻出。