[賽後檢討]9月25日賽後分析

黑船跟進馬:第四場聖海 第六場綽綽有餘

T257_l.jpg
聖海:四班都近 落班跑泥惡氣十足
T223_l.jpg
綽綽有餘:老孫寶藏 稍後加程蓄勢待發

 

第一場五班1200米: (1ST)鴻圖戰士:班底高技壓群雄,谷草田草同樣適合,回升四班相信要再減分。(2ND)嶺喜峯:論質素能力應稍超五班,只係輸些少經驗俾頭馬,相信要補中難度不高。(3RD)永恆光輝:追入此席第三算是不過不失,1200米可能稍為嫌短,匆出轉谷草加程要留意。(4TH)辣得寶:能力肯定高於五班,路短都衝得近,如果下次A欄加程可以追捧。(5TH)多多快:1200不及1400,今仗熱身居多。

第二場四班1600米: (1ST)新疆紡:臨場重飛得手,幕後果然睇得好準,此馬以1600-2000都係射程範圍,季內起碼仲有1W在手。(2ND)勝利之星:老馬趁季初搏輸得有點唔抵,馬房應會乘勢搏到出頭為止。(3RD)超自然:衝落唔多進度未如理想,而且均速跑法於A欄不算有利。(4TH)皇牌:睇黎轉左馬房未解決到衝力短的問題,亦有可能要向泥地發展。(7TH)勁有波幅:仍在試馬階段。(8TH)馬飛龍:輸到唔似真。

第三場五班1400米: (1ST)有緣好馬:柏寶力拼下人馬均順利贏馬,論姿態完全唔突出,可能亦只係平常五班頂馬。(2ND)但求上舖:五班理應上風,但後追份子係要靠A欄開齋。(3RD)太皇鷹:有同感,田草1400米似乎係最佳路程。(4TH)正藍旗:狀態漸見復甦,續抽好檔有望出頭。(6TH)踏雪名駒:A欄擺前快跟好難捱到尾。(7TH)多多囍:睇黎時辰未到。

T153_l.jpg
金沙鑽:路程仍然嫌短 下仗變熱難捧

第四場四班1200米: (1ST)索先生:臨出閘前釘甲都贏,質素能力凌駕同場對手,但跑法被動的短途馬,恐怕易位難羸。(2ND)辣辣椒:再次克服難度,於A欄一改放頭跑法差點放到,下仗跑移欄可望補中。(3RD)笑眼光:期見今季狀態回復,跑此程四班能力較高,總有機會輪到。(5TH)金沙鑽:跑1200米肯定未夠喉,起碼1400才合。(6TH)聖海:跑草地都近,轉跑泥地需高度留意。

第五場四班泥地1200米: (1ST)麟轉乾坤:轉倉即勝一洗頹氣,上季有一兩場騎師亂跑,導致馬匹失去鬥心。畢竟此程值四班頂。(2ND)執子之手:楊明綸亦已盡所能,此馬都係最夾蔣小妹。(3RD)情意相投:跟前則後勁欠奉,留放則追唔切,尺寸馬睇黎唔易贏馬交代。(5TH)御風雲:沒欄放唔出隨即打回原形,馬匹材料十分有限。(7TH)善者:莫非上季贏馬一役係負祿?

第六場四班1400米: (1ST)喜悅繽紛:靚仔馬總算開到齋,出頭後貫注力不足,與「加州再豫」十分相似,馬房需急切解決這系列問題,否則肯定影響成就。(2ND)好叻仔:留後追一段威脅十足,但這種跑法只限A欄先做得到….(3RD)喜得福:暫時徘徊於呢個階段,未搵到更進一步的條件。(4TH)財寶家駒:重磅後追唔易克服,睇黎要等好際遇。(5TH)綽綽有餘:轉倉跑短都近,潛力甚大的質新馬,季內起碼有2w在手。(6TH)駿馬翹楚:擺前好過留後跑。

T415_l.jpg
美麗之友:千二不及一千 泥地性能參差

第七場三班泥地1200米-保良局百週年紀念盃: (1ST)添好運:匆出跑泥轉出彩虹,跑法主動馬跑泥地始終有著數。(2ND)香江穩勝:想穩勝就沒咁易,跑法如此主動,穩入P就沒問題,但始終係未搵到贏馬竅門。(3RD)及時取勝:馬房保持狀態一流,Fit足兩季絕不容易。(5TH)機緣再現:大舊馬要熱身多跑先入局。(6TH)獨具慧眼:高不成低不就,一直徘徊三四班邊緣,唔易贏馬交代。(9TH)美麗之友:純買莫雷拉。

第八場三班1200米:(1ST)麯院風荷:步步輸一步贏,馬房旺到呢匹尺寸馬都開齋,交代後唔易再贏。(2ND)萬事欣:發揮上亦已經沒得挑剔,鬥輸比雷神沒話可說,用番蔣小妹可能仲交到成績。(3RD)好益善:每次都係輸少少,可能要轉去谷草試試。(4TH)友瑩勢:加程換潘頓可以交代。(5TH)永勝神駒:際遇差到唔信,Gibson到底要黑到幾時先轉運?

第九場三班1600米: (1ST)君臨大地:全闊A欄食正晒呢匹大後上馬形勢,上仗熱身開氣對此長途馬有幫助,加程相信威力更強。(2ND)琪麟穎:轉倉明顯搏殺,輸俾質新伏兵藉口亦唔多,往後幾仗相信會盡快交代。(3RD)包裝騎士:馬性忠心,即使跑短仍然上名,稍後加程時威力會顯著提升。(5TH)傾心星:大馬相信跑多一仗就會到位。(7TH)精算博奕:今仗熱身。(14TH)愛美麗:前段放得太快。

V172_l.jpg
代代為王:雷聲大雨點小 無謂盲目憧憬

第十場二班1400米: (1ST)縱橫大地:田草1400米能力稍高於二班,換番大師傅效果完全唔同,加分後應會專攻此程。(2ND)比卡超:每次都係狂追一段但追唔切,希望下次抽好檔可以跟番前些少。(3RD)馬跑得:暫時未有板釜取勝,但馬性忠心總會上到名。(5TH)天合:錯過了今仗又唔知要等到幾時。(8TH)快無極:上仗果然谷到太盡今仗走樣。(14TH)代代為王:貴價馬閹後愈走下坡….

 

[賽事前瞻]第九場、第十場大勢分析

即將踏入十月,代表賽事水準將會回複高水平,每場亦會更為均勢。今次賽事採用了全闊A欄,相信後上馬會有其發揮的空間,未必再偏側內欄前疊的賽駒。今次特意分析了第九及第十場的形勢,分享小弟心水。

第九場三班1600米,季內已經跑過1次同程包裝騎士可以作膽。

T230_l.jpg

此馬上季中時因為肌腱受傷,被迫提早抖暑,以曾經受傷賽駒來講,復出後第一場表現理應會打折扣。一來受傷患影響腳部,二來距離上次賽事超過半年。在這樣情況下,仍可在稍嫌短的1600米下跑入第三難度十足,只負於當打的加州再豫僅1個馬位。今次兩個禮拜後匆匆再跑,繼續用上潘頓,均速大步馬排12檔影響唔大,對比起一眾有質素但尚未熱身的馬匹,已佔有一定優勢。

二選可揀琪麟穎,上季於三班一再搏失後,拉倉至沈集成,暑後操練積極,幕後肯定希望盡快答謝馬主。始終此馬沒理由不能攻陷三班,即使負中磅用梁家俊,但沈集成向來與他合作愉快,馬房作風不用擔心,有力挑戰包裝騎士。

三選高利多,三班此程中樑砥柱,跑A欄有助後追跑法,雖然贏較難但入位機會應頗高。最後一選可揀埋愛美麗,上季三歲之齡贏1800米絕不簡單,而且美麗系近期頻有佳作,預期此場步速未必太快,有機會可稍賺形勢,唯一顧忌係鞍上人何澤堯尚未開齋。

黑船第九場提供:4.包裝騎士>2.琪麟穎 1.高利多 10.愛美麗

 

第十場二班1400米,臨受注前最為觸目的無敵飛龍退出,補入嘉應之友亦有一定威脅性,令此場原本混亂的局勢變得更為複雜。而馬瞻可選馬跑得。

V080_l.jpg

此駒表現一直準繩,從來未失過獎金名次。而且1400米為首本路程,配上尚未開齋的柏寶,加上告達理還未為馬主交代,幕後肯定心急求贏。二選可揀縱橫大地,上次配見習生巫顯東表現未如人意,直路搵位論盡,直至最後200米才真正望空。筆者一直認為此駒1400米比1600米合適,既然上季於一班跑1600米都第四,無理由跑二班1400米會下風。三選嘉應之友,上季贏馬都轉倉明顯想表現更上一層樓,依據評分而言,季前試閘表現佳亦是意料中事。預料此匹五歲馬進步應不大,如果馬房想交代,理應會在季初遇到較弱的對手時把握機會,回配潘頓可望上名。

最佳冷門可跟實天合,每季初出一役(不計在港初出)都跑第三名,可見此匹馬利跑新鮮,而且負磅輕對此官仔馬有幫助,配上馬房冷殺手何澤堯,上名機會亦存在。

黑船第十場提供:5.馬跑得>1.縱橫大地 6.嘉應之友 10.天合

 

[賽後檢討]9月21日賽後分析

Kurofune跟進馬:第八場好老友

P417_l.jpg

今仗改跑法快跟下都輸唔遠,仲有3分就落班,到時跑番首本路程泥地1650米,惡氣十足。

 

 

第一場四班1800米: (1ST)馬狀元:少馬場合多成爆冷溫床,蔡明紹跑放頭馬不時有佳作,暫難預料此場水準。(2ND)神威福將:靠內欄跑入一席,評分已無利可圖,否則肯定可將頭馬擊敗。(3RD)有智者:以態補質,今場熱身後下場應有更好發揮。(4TH)駟寶:初跑谷草走勢吸引,四班能力頗高,三仗內可以再交出頭馬。(5TH)金秋:霍利時與胡森又可以相差得幾遠? (7TH)寶正寶:唔放為益廐侶? (8TH)金龍:幾時再肯跑返泥地?

第二場五班1800米: (1ST)大寶庫:五班此程能手,只要評分得宜就可上名,贏馬後當然會貫徹馬房作風,減番一排分先。(2ND)糖黐豆:馬房應該好快換番雷神上馬求交代。(3RD)肯利多:落五班後威脅仍然唔大,泥地一哩似乎係首本路程。(4TH)神光輝耀:1800米明顯嫌長,今仗試準後慎防縮程一哩殺過措手不及。(8TH)鼓浪飛星:寶遜心急望空,結果入直路時兜大灣蝕盡腳程,浪費開齋黃金機會。

T381_l.jpg
大龍騰:僅僅險勝 不宜再跟

第三場四班1200米: (1ST)大龍騰:炒飯哥近期盡顯功架,排中檔卻可攝入內欄第五位,走位上無懈可擊,但馬匹質素並不突出,交代後不易再贏。(2ND)勝利名星:潘頓亦已發揮一絕,輸比琴日遇神殺神的羅理雅無話可說,如果上到三班跑會更易交代。(3RD)至尊飛星:經常於四班跑此程上名,老馬表現準繩,但想贏馬就要帶到頭。(4TH)飛馬看花:放唔到頭表現打折扣。(5TH)聖驛善:落班跑1000米會相當具威脅。

第四場四班1650米: (1ST)風采:總算交回本身應有的表現,細馬跑重磅負擔頗大,上番三班輕磅只會更好跑,但你無從估計會否貫徹馬房作風,做隻三四班一哩升降機,希望唔會。(2ND)隨時候命:暗牌馬增程搏殺,卻被班底高份子殺敗,的確輸得有點不值。問題下仗能否交出相應表現? 上季贏完後完全唔見影。(3RD)金碧光芒:最後100米衝刺凌厲,再一次追唔切,增程應會更為適合。(4TH)勁豐裕:路短都近,五歲北半球馬睇黎仲有係手,蔡約翰開始出動了。(5TH)超甜橙:霍利時大熱門好難比到十足信心。

V248_l.jpg
秘密武器:鬥心欠奉 不值熱捧

第五場四班1200米: (1ST)開心有你:取勝姿態輕鬆,關鍵係初段攝到埋二疊,回升三班輕磅應該不落下風。(2ND)君悅灣:變急口後跑短都上名,此組實力平凡,此仗時間慢水準參差不宜高估。(3RD)光速銀桂:入直路後需一再搵位,否則至少可入Q。(4TH)贏錢之道:點解唔跑番泥地1200呢? (5TH)秘密武器:上季一再於新馬賽敗陣,今仗守食糊靚位都唔多,足證質素能力並不突出,評分有待調整。(11TH)駿瑪:留得咁後唔係路。

第六場三班1200米: (1ST)陀飛輪:食住上季尾個勢贏,此仗贏甩應該谷得幾盡,上到二班應該沒咁易再交出好表現。(2ND)手到拿來:自己一隻放效果又唔同晒,上季疏跑賺到體力,幾場內可望交代。(3RD)有心人:杜利萊有心攝內欄可以係兩個結果,評分已經無利可圖,但表現準繩搭夠。(4TH)星光大師:落番四班先有得贏。(5TH)香江新星:衝落去又唔係特別勁,能力沒想像中般高,跑番田草可能效果較好。(6TH)順勢寶:只為熱身。

第七場三班1200米: (1ST)卡加動力:此場勝仗要多謝楊明綸讓條埋比佢攝,估唔到10檔都可以埋到內欄第三位,論馬上番二班又要坐馬監。(2ND)勇少爺:克服難度外檔衝入Q,此程可能比田草1400米更佳,下仗轉抽好檔宜睇實。(3RD)中華寶貝:埋唔到欄表現大打折扣,柏寶認真失運,排2檔都有馬攝住佢…. (6TH)炸魚薯條:1200不及1000。(10TH)風火勁駒:沿途遇到意外進退失據,不能作準。

第八場三班1650米:(1ST)發明小子:打疊贏三場,真不愧為此程專家,睇贏馬姿態尚有在手。(2ND)金獅叻將:步速偏快幫到佢手,但五歲馬欠缺進步,現階段睇形勢才有機會。(3RD)僥倖:頭三段都放快左,導致最後100米埋唔到尾,下次步速慢些少有望捱到。(5TH)好老友:落四班跑泥地一哩相當著數。(9TH)美麗皇者:1650米睇落嫌長。

 

 

[賽後檢討]9月18日賽後分析

Kurofune跟進馬:第三場星光勇將 第五場旅遊大使

T325_l.jpg
星光勇將:泥地性能超卓 四班留不住
T113_l.jpg
旅遊大使:逐步加程跑近 再增程有威脅

第一場五班泥地1650米: (1ST)威旺財:靠輕磅乾快泥地捱住贏,水準當然並不會太高,開齋後不應再熱捧。(2ND)漸信名駒:相對地重磅前段快放,明顯較頭馬蝕底,仍能遠遠拋離馬群走勢吸引,泥地性能突出快可交代。(3RD)想贏就贏:沿途被拋甩直路狂追多個馬位,證明評分有在手,轉戰谷草1800威力更強。(4TH)彩利:1650不及1800。(6TH)心有靈犀:返谷草要跟住佢,評分大佔便宜。(13TH)我是高手:咩因素下會係熱門?

T259_l.jpg
急急腳:四班能力不高 勿再過份憧憬

第二場四班1200米: (1ST)京京千里:贏來不費吹灰之力,質素能力遠超平常四班馬,下場跑三班相信阻力不大。(2ND)路路發:當遇到較弱的四班對手就可上名,水準當然唔會高。(3ND)盈進:第三人棄我取。(4TH)京城珍寶:總算似番啲樣,轉戰泥地如有倍率可以跟進。(5TH)急急腳:好似已經冇咩藉口,肯定係平常四班馬。(6TH)包勝:直路遇到意外不能作準。

第三場四班泥地1650米: (1ST)好腳頭:途中遇到的麻煩最少,就此奠定勝局。咁樣情況下開齋,杜利萊琴日都算有運。(2ND)電子鳳凰:雖然直路上有被鑽之友影響,但幅度其實唔算太大,結果輸少少純屬運氣問題,但後上尺寸馬下次再成大熱門要小心。(3RD)合拍飛龍:正當走甩之際卻被鑽之友影響,需要在直路大幅斜跑削弱衝刺,整場比賽以他最為不值,下仗有力補中。(4TH)星光勇將:質新馬搵到新出路,泥地能力似乎稍高於四班。(7TH)勁勇威龍:輸排檔形勢。

第四場四班1000米: (1ST)永常喜:此馬只得1100米氣量左右,事後證明馬房眼光獨到,日後專攻此程可望仲有1W。(2ND)超越時空:轉倉後用柏寶明顯搏殺,但輸比升班馬賽績不算特別,能力上亦只係四班馬左右。(3RD)飛躍成功:乾快場地不及濕地。(5TH)至友運:鞍上人鬥後勁明顯力有不逮,肯換人跑有望提升表現。(6TH)魔幻神駿:有熱身後提升表現,加程可以繼續睇住,但未到捧場時候。(12TH)人間尋夢:差到唔似真,上季馬房搏得太多要回氣?

S127_l.jpg
運財之星:評分無利可圖 熱門切忌追捧

第五場四班1400米: (1ST)勇冠王:此場炒飯哥發揮一絕,運用場地智慧中疊追上,馬匹後勁衝刺非一般四班馬可比,但前提係需有快步速幫助。(2ND)甜統:明顯想求交代,卻再一次敗陣,始終重磅對此駒影響深遠。(3RD)軍勇戰略:韋達臨場執生幫到手,明知外檔難留轉用主動跑法,重磅快放輸少少足見能力之高,三班輕磅只會更好跑。(4TH)無限欣賞:死步頭均速馬可能要再增程。(6TH)運財之星:上季已證明見盡,何解用華將都咁熱? (8TH)旅遊大使:跑多兩三場就會郁手。

第六場三班1200米: (1ST)綠勇士:超慢步速下後上都照贏,四歲馬明顯有進步,下仗負重磅會面臨嚴峻考驗。(2ND)肥仔:賺盡而跑岩晒,評分已經沒咩上升空間。(3RD)靚猴王:回巢後表現算唔錯,馬房會盡快為馬主交代。(4TH)添好運:睇黎1400米放頭會比較適合,始終馬匹欠缺較快前速應付1200米,鬥爆又唔夠其他對手。(7TH)放下自在:放唔到頭表現大打折扣。

第七場三班1000米: (1ST)皇仁大師:內檔跑自己表現更佳,質素能力必在三班之上,現階段應繼續攻此程,避免增程節外生枝。(2ND)美麗皇牌:升班一樣能維持表現,只敗給潛質較高對手,下仗有力保持。(3RD)及時取勝:靠住外欄捱入第三。(5TH)勁飛勁:三班此程能力唔算突出。(7TH)鑽飾飛龍:直路後上馬排內檔比外檔更佳。(11TH)盈如其貓:上場純跑新鮮感,1000米實在嫌短。

V052_l.jpg
鴻圖飛星:常近而沒威脅 實力尚待印證

第八場三班1400米-仁濟杯: (1ST)美麗鉅星:潘頓已經發揮一絕,論馬質素能力應在三班左右,1400/1600亦可應付自如。(2ND)翡翠紅星:初升班差啲贏表現已算好,排番內檔有望更進一步。(3RD)健康歡笑:始終重磅對官仔馬負擔大,要再贏絕對不易。(4TH)鴻圖飛星:繼續雷聲大雨點小,四歲馬尚待進步空間。(5TH)雄心速龍:韋達輕騎都交出凌厲後勁,Gibson有用兵源已不多,唔係仲要收多排掛?  (12TH)傾心星:大馬要先熱身幾場。

第九場二班1000米: (1ST)世澤之星:1000米能力已在級際賽邊緣,希望馬房安排專攻此程,不要再增程畫蛇添足。(2ND)歷險家:沿著外欄負輕磅跑入第二,確認此程於二班並不吃虧,但加分會令輕磅優勢削弱。(3RD)宇宙車神:眾多死磅靠追當然難啃,1000米能力肯定不在世澤之星之下,用番潘頓有望回復真身。(4TH)喜益善:現評分跑谷草較易爭取表現。(9TH)跑寶貝跑:落三班優勢會較明顯。

V325_l.jpg

第十場三班1400米: (1ST)巴基之星:繼續克服眾多難度,相信會成為四歲系列頭號主角,在100分前相信阻力唔大。按告東尼說法,下仗會加程至1600米,而且會在二班角逐。若下仗繼續排內檔,而漏閘問題能夠順利解決,能否跑出一貫水準實屬一大問號。因現階段尚未能確認此馬需一定用大後上跑法,一旦於馬群中跟前,會否影響角逐情緒亦是未知之數。而1600米多數步速並不快,大後上跑法且飛出大外欄實在不利,若下仗能順利再勝,則應已接近級際賽水平。

(2ND)萬馬飛騰:潘頓取位發揮已經無懈可擊,無奈實力與頭馬有一段距離,下仗可望補中。(3RD)勇霸神駒:發揮上亦沒問題,主要敗因在實力差距。(4TH)瀟灑王子:末段100米走勢疲弱,睇黎三班能力暫時不高,未至於能贏馬。(5TH)龍船鼓響:田泰安搵位論盡,否則至少有P,足證轉馬房後明顯進步,可以隨時起筷。

[賽後檢討]9月11日賽後分析

Kurofune跟進馬:第一場講心長勝 第四場皇者拍檔

P424_l.jpg
講心長勝:轉倉久休跑短都近  增程可勝
n394_l
皇者拍檔:泥地性能突出 加程會更適合

第一場五班1000米: (1ST)祥勝駿駒:贏在質新進步,對住一班老弱殘兵夠晒用,上番四班要面臨頗大考驗。(2ND)你同我定:1000米路程正宗,但想贏要好講形勢。(3RD)金飯碗:四歲北半球馬欠缺進步,落班都一樣輸頭馬條街,質素能力相當有限,泥地短途是最後出路。(4TH)精益旅程:再一次浪費黃金機會,無謂再追。(7TH)講心長勝:跑番1600可加倍留意,現今評分相當有利。

第二場四班1200米: (1ST)夢幻仙子:贏來輕鬆至極,質素能力完勝其他對手,上到三班仍有得鬥。(2ND)心思熟慮:最後100米明顯轉弱,氣量可能未達1200米水平,可以考慮轉戰谷草1000米。(3RD)駕悅:入位只因為季內曾經熱身,人棄我取之舉。(5TH)勝在煌:外檔+韋達後追難度較高。(7TH)正本雄心:後追算唔錯,起碼證明非朽木。(11TH)好醒:投降吧!

第三場五班1400米: (1ST)好友益:莫雷拉跑到120分,沿途走位一絕,上四班負輕磅只會更好跑。(2ND)踏雪名駒:睇黎轉馬房之後真係有起色,輸俾班底高的質新馬亦無話可說,下場有形勢可補中。(3RD)知道勝:馬性太尺寸,暫時仲未有出頭板釜。(4TH)齊齊健康:走位上明顯蝕底,讓左條內欄比頭馬追上,反之要係直路搵位望空,反映騎師水平問題,杜利萊亦不復當年勇。(5TH)漸信名駒:早段算跟得唔錯,熱身後可望有進一步演出。(9TH)駕迅:需時間熱身。

T164_l.jpg
獨具慧眼:睇落已跑盡晒  慎防大熱追捧

第四場四班泥地1200米: (1ST)御風雲:步速太慢益左放頭個隻,賺無可賺先贏少少,能力相當平凡,下仗形勢轉差大可不理。(2ND)獨具慧眼:直路已俾盡機會發揮,過唔到頭馬有點失望,能力非想像中般高,或可跑番田草1400一試。(3RD)情意相投:沿途四五疊都衝得咁近,泥地性能在此組超卓,遇到較少偏差的泥地時需重點留意。(4TH)皇者拍檔:直路初時嚴重塞車,望空一追衝勢凌厲,若早些望空已贏,增程跑1650可補中。(11TH)喜得福:試閘與正式出賽始終有分別。

T395_l.jpg
發明達人:馬匹走規未熟  形勢惡劣可飛

第五場四班1400米: (1ST)駿馬翹楚:因時制宜轉跑法值得一讚,祈普敦基本功紮實,論馬就應該仲有1W左右。(2ND)情趣:跑法被動馬+弱勢馬房全熱門難靠,但四班肯定係超級,睇下幾時有弱組可以出頭。(3RD)發明達人:走規論盡都第三,能力質素均在前兩名之上,難怪阿滇當佢仔咁湊,評分有大量上升空間,但未必短期內可即勝。(5TH)包裝巨星:衝落唔算特別勁,似乎尚未養成1400米氣量。(7TH)越駿寶:輸多兩次變大冷門時需留意。

第六場三班1200米-中華游樂會挑戰盃: (1ST)幸運日:又係一開季即勝,老馬跑新鮮感特佳,睇下仲可以持續幾多場。(2ND)麯院風荷:上次都有講過要Mark實佢,岩岩三班弱組搏輸左一劑,睇馬房作風應該會輸番輪,再安排落四班贏番場。(3RD)豪勝:表面上係追得唔錯,但被頭二馬遠遠拋離,水準難以預料。(4TH)帝豪寶貝:上季尾連搏幾場,需時間消化評分新高。(6TH)幸福一生:用見習生追得有板有眼,腳患嚴重馬應該會盡快交表現,下星期日可以留意。

第七場四班1600米: (1ST)步步德:慢放下一放而回,兩場超慢步速都係益左達少,水準當然不會太高,上到三班輕磅仍可打突擊。(2ND)駕善:均速馬靠著步速偏慢走入一席,評分已經無利可圖。(3RD)超自然:早段仍然十分慢腳,睇黎要進一步增程才合。(4TH)金龍:俾Gibson玩到出神入化,連四班都追唔近,開始浮現以往胡森的影子。(7TH)紅牡丹:步速太慢唔岩跑,睇走勢四班絕不吃虧。

T376_l.jpg
機緣再現:今場搶前為熱身  退熱現真身

第八場三班泥地1200米: (1ST)藍天飛馬:眾多放頭份子相繼退出&轉跑法,結果外檔照cut到埋欄放頭實在難估,今場贏甩相信谷得幾盡,體質差份子慎防下仗走樣。(2ND)金多多:後追跑短途始終吃虧,轉馬房後威脅仍不算大,評分有待調整。(3RD)鑽石巨匠:搶口馬去留實在搵笨,否則點止會第三,短途快放馬好使好用。(4TH)幸運儀:底質高但健康太差影響成就。(5TH)機緣再現:後追馬去搶前明顯為熱身。

第九場一班1400米-廣東讓賽杯: (1ST)喜喜寶:田草盲門二疊望空放頭都贏,相信幕前幕後都估唔到,水準需時間印證。(2ND)壯思飛:昨天跑法不利大後上,敗於伏兵當然不值,但能力肯定在頭馬之上,是否再進就要睇大摩功力。(3RD)豪逸:有心搏殺點知比廐侶殺低,失去黃金機會又要再等。(5TH)隨心隨意:咁熱馬房點會同你去馬。(6TH)鈦金剛:增程上1600可以睇實。(8TH)軍歌:似乎進步已不大。

第十場三班1600米: (1ST)加州再豫:直路中段衝刺驚人,但最後50米明顯力弱,可能係眼罩影響衝程,改配頭罩可望解決貫注力不足埋尾的問題,論質素起碼二班。(2ND)凱倫之寶:此系馬主近來頗興爆冷,差d兩次都殺低頭馬。論馬跑番谷草長途可以交代。(3RD)包裝騎士:傷癮欠休復出跑短都上名,能力不下於頭馬,下仗增程可望一擊即中,(4TH)智者:似乎落四班換見習生贏面較大。(7TH)瑰麗傳奇:等多幾場馬房就會爆冷去馬。

 

 

[賽後檢討]9月7日賽後分析

Kurofune跟進馬

V090_l.jpg

第一場嶺喜峯:全場唯一沿途三疊馬,谷草1200性能於五班突出,轉抽好檔已可敲勝門。

第一場五班1200米: (1ST)天狼星:此程表現準繩,只要遇到靚檔就有機會交到成績,輕磅亦是一大因素,加分後會回復易位難贏。(2ND)大將風速:連續三場第二,谷草短途後上馬就係比較難贏,但五班1200跑黎跑去都係呢堆馬,總有機會輪到。(3RD)明多多:減分過晒龍,現階段無論跑田草抑或谷草1200都相當著數,甚至有力回升四班。(4TH)智能:谷草短途後追尺寸馬,質素能力又平凡,可能要再用番小妹減磅幫手。(5TH)有情風:狀態未足。(6TH)嶺喜峯:求求其其跑都第六,即將到位。

第二場四班1200米: (1ST)勁飛聖:直路上一攻而破,彊口明顯有所改善,早段可以留番住跑,跑法更有彈性,起碼仲有1W。(2ND)段段有:存心搏殺功敗垂成,上番三班照計都夠跑,要睇下馬房安排如何。(3RD)駿瑪:賺到盡晒第三,暫評估能力只屬四班馬。(4TH)靚先生:幾時先肯加程? (5TH)育馬妙星:靚款馬進度普通,還未有爭勝把握。(11TH)君子協定:放唔出等於判死刑。

T413_l.jpg
識飛:今場路程略短  只由雷神而熱 

第三場五班1650米: (1ST)事必獲利:贏來有餘未盡,淋地有助發揮,而且埋到欄幫助甚大,下仗若跑五班仍有留意價值。(2ND)鼓浪飛星:形勢惡劣都第二,與寶遜相當合拍,稍後加程威力會更大。(3RD)萬醒仔:每次都係追近而沒威脅,評分仍有下調空間。(4TH)公証揚聖:炒飯哥揀錯位而輸,否則最少第二,下仗可補中。(6TH)原始寶石:明顯係輸外檔。(7TH)識飛:根本太熱唔抵玩,而且1650米亦嫌短。

第四場四班1650米: (1ST)招多福:幕後真係咁有信心幫廐侶贏馬做勢?  臨場落雨難以評估此駒真正能力,有待繼續印證。(2ND)歐洲之星:四班亦夠跑,但此程不及1800米。(3RD)實在威:攝埋內欄追係最佳跑法,但用過幾大師傅幫唔到出頭,馬性不願出頭的問題… (4TH)捷捷勝:快步速有利此駒發揮,但將來肯定要向長距離發展。(5TH)超強快駒:贏馬一役步速太慢不能反映能力,尚待進步。(7TH)馬飛龍:走位太蝕。

第五場四班1200米: (1ST)勝利名星:轉歲後表現續進,贏馬姿態大把在手,配合是日馬房攻勢,此程起碼仲有1W。(2ND)驍武:此馬頗夾達少,但能力明顯不及頭馬,賽季流流長仲有機會贏番場。(3RD)飛馬看花:早段寶遜有騎都搶唔到前,睇黎落腳開始轉慢,可能要考慮轉程發展。(4TH)至尊飛星:放唔到頭就係第二回事。(8TH)百戰百勝:等緊機會爆番場。

S414_l.jpg
精壯神駿:上季搏得太盡 應需時間回氣

第六場三班1650米-公益金杯: (1ST)可愛寶:步步輸一步贏,叮噹馬頭就係睇運氣,呢場睇落都砌得幾盡,加分後要等進步。(2ND)康樂神駒:馬房運勢太弱,衝到咁勁都輸真不值,黏軟場地能手要再等機會,亦可考慮轉泥地一試。(3RD)開心駿馬:暫時係咁上下馬,五歲澳紐馬難期望再有大進步。(4TH)金獅叻將:慢熱馬要跑多幾場先有把握贏馬。(6TH)蓮花巨星:志在熱身。(9TH)精壯神駿:跟靚位一滴都冇,上季搏得太盡?

T405_l.jpg
星光大師:暑後進步不大 三四班升降機

第七場三班1200米: (1ST)恆駿寶駒:淋地頗利後一追段的馬發揮,潘頓今日亦手風順,贏馬姿態輕鬆,下場可以繼續關注。(2ND)好運有利:已經跑到岩晒,論馬應該差唔多到頂。(3RD)星光大師:三班明顯不突出,似足「華美之寶」。(4TH)中華寶貝:幕後擺明想搏,但明顯有心無力,都係留番搏季尾好過。(7TH)澤心星:現階段留後好過擺前跑。

第八場二班1200米: (1ST)越影:留後跑都照贏,此程能力頗高,加分後仍有一定作為。(2ND)威力川:同樣已經跑到岩晒,谷草應該不及田草。(3RD)牛精叻仔:人棄我取的第三不用執著。(5TH)喜益善:留後跑令人費解,下次換番大師傅可以跟進。(6TH)迎風飄揚:取位不順利影響衝刺。(7TH)開心神駒:再一次失望,呢系人馬到底幾時先再贏馬?

[賽後檢討]9月3日賽後分析

Kurofune跟進馬

T112_l.jpg

第八場麯院風荷:草泥雙槍將好使好用,落到四班換大師傳隨時轉程殺過措手不及。

 

第一場五班1200米: (1ST)四季勁:關鍵是早段攝到內欄偷位追上,能力上非平凡五班馬可比,回升四班應還有一定上升空間,1200/1400都是射程範圍。(2ND)永常喜:未出頭馬賣到得1.8倍,到底莫雷拉超買左幾多倍,季初難以一放而回,或需考慮谷草1200米。(3RD)有緣好馬:終於開始止跌回升,增程可望更合發揮,可能係第二隻「神威福將」。(4TH)幸運坊:馬匹彊口有所改善,表現有進步亦可理解,但不排除賺內欄慳位幫到手,需繼續觀望。(5TH)多多囍:三四場內可望交出成績,炒飯哥教馬的確有一手。

S409_l.jpg
踏雪名駒:第三人棄我取 好檔只宜冷敲

第二場五班1400米: (1ST)紅牡丹:之前完全未顯露過能力,主要受嚴重的健康問題拖累,爆冷之後未必可以維持到表現,有倍率才要睇實。(2ND)喜盈豐:騎師發揮上沒有出錯,被班底高的伏兵所擒不足為辱,上返四班不落下風。(3RD)踏雪名駒:超輕磅慳慳埋埋先第三,馬匹能力十分有限,不應過份憧憬。(4TH)四小福:食糊位衝落唔多,馬匹狀態睇黎尚未到位。(5TH)神光輝耀:谷草會比田草有把握。(10TH)太皇鷹:再一次令人失望,要考慮轉跑谷草或泥地求突破。

第三場一班1200米-特首杯: (1ST)永旺年年:賺晒所有形勢下險勝,似乎係咁上下馬,能否更上一層樓,就要睇沈集成的功力。(2ND)英勇大師:此程跑輕磅根本不落下風,回師二班1200時刻可勝。(3RD)有得威:中間的擠阻意外十分關鍵,當中損失了至少三個馬位,否則好大機會改寫結果,希望能維持進度,向國際賽進發。(5TH)包裝奔馳:現階段1200已經嫌短,見騎者沿途畀住便得知,下次出擊時應該會回配大師傅。(11TH)誰可拼:照計佢會跟前就留後…..

S291_l.jpg
笑眼光:弱勢馬重現走勢  加程可即食

第四場四班1000米: (1ST)美麗皇牌:落班即勝,質素進步、對手見底是致勝關鍵,贏來姿態游刃有餘,回升三班阻力未必很大。(2ND)飛躍成功:能力見盡,跑法始終較難出頭,繼續靜候機會。(3RD)贏錢之道:安排在此程搏命確是出人意表,為何不回師泥地1200米呢? (4TH)笑眼光:狀態轉弱為強,回師田草1200米可望交出應有本色。(5TH)大收成:再一次證明季尾弱組參考性唔高。(6TH)金沙鑽:應該要盡快加程了,沒理由係咁短馬。

第五場四班1400米: (1ST)阿甘:狀態重回正軌,自身脾氣等問題似乎已全部解決,照計三班唔會難倒佢,而且似乎較適合澳洲騎師發揮,往後可特別留意此類配搭。(2ND)帝聖之寶:早段形勢相當惡劣,轉彎時需走三疊擺頭走,反映評分仍有一定水位,若跑B+2或C+3欄可特別關注。(3RD)甜統:雖然已轉四歲,但似乎仍未能克服重磅呢個樽頸位,筆者認為可以試下用見習生放頭試下,跑道未必要單一後上。(4TH)超甜橙:再度後上追近而欠缺威脅,以馬房作風會否等至五班才用? (7TH)搖錢樹:轉跑谷草中長途要小心。

第六場四班1200米: (1ST)飛星凱旋:一落班就輕勝而回,馬房悉心安排在此程爆冷,田草明顯比谷草好跑,上三班要睇進度如何。(2ND)再石磨藍:長期在四班1200/1400都能輕易上名,但質素能力似乎係咁上下。(3RD)開心有你:一改跑法放頭走效果完全唔同,1200肯定嫌短,轉跑田草1400/谷草1650威力更大。(4TH)無限欣賞:埋門一步失P有點不值,上季忽長忽短明顯係試馬,跑四班1200不愁寂寞。(5TH)銀城福星:有待進步。(8TH)御風雲:暑期後進步依舊欠奉,暫時只是能力普通的四班馬。

第七場三班1000米: (1ST)歷險家:四歲馬進幅驚人,前速仲快過旅遊多寶絕不簡單,問題係馬房要開始教下佢轉彎,否則成就會被局限。(2ND)盈如其貓:評分減到過晒龍,即使1000稍為嫌短都入Q,筆者期待方仔安排佢跑泥地,應該可以適應到場地。(3RD)勁飛勁:田草1000不及1200,衝刺力明顯不及前二名。(6TH)金多多:跑短肯定好過跑長,下星期日跑泥地1200亦值得留意。(10TH)要風得鋒:明顯跑唔番。

第八場三班1200米: (1ST)萬事欣:贏在沒馬搶放,並操控著一個偏慢步速,毋須高估此場賽績。(2ND)好益善:又一次短距離下鬥輸,馬匹欠缺運氣,遲早在三班1200米贏番場。(3RD)肥仔:一度以為出左頭,但衝落偏均速,睇黎要加程上1400。(4TH)綠勇士:失準馬今次連運氣都失埋,直路一直未能完全望空,只得梗頸四非常不值,大摩會盡快交代。(5TH)麯院風荷:快將落班要加倍留神,性能廣泛隨時轉程玩爆冷。

第九場三班1400米: (1ST)怪獸家長:蝕乾蝕盡都照贏,質新馬潛藏甚豐,加程只會更加岩跑,預料80分前阻力仍不大,何良爭分棋子可以繼續追。(2ND)幸運興隆:相反此駒守著食糊位都贏唔到,暫時與頭馬能力有一定距離,但三班長線肯定夠贏。(3RD)美麗皇者:三班能力不算突出,必須依靠大師傅精湛發揮才有望再出頭馬,而美麗系與潘頓合作相當愉快,值得留意此特點。(4TH)奇真:增程可玩突擊,但倍率變熱的話不值捧。(11TH)人民武士:田少跟著一齊輸,早有預兆乎?

S298_l.jpg
比卡超:多次所托非人  白白浪費狀態

第十場二班1400米: (1ST)快無極:落雨段段快都捱到,天雨性能特佳?由於締速相當驚人,慎防谷到太盡下場走樣。(2ND)馬跑得:繼續易位難贏,尺寸馬要好睇走位際遇。(3RD)比卡超:飛到出啤酒園咁出黎追,識「電光石火」都追唔切la  (4TH)縱橫大地:臨場草地變淋對表現起了唔少幫助。(5TH)加州騰龍:熱身算走得唔錯,加程要開始跟進。(12TH)辣得很:未贏過二班都會2.2倍,自然有數得計。